प्रमुख अतिथि बनेर भेलामा सहभागी हुन केपी ओलीलाई योगेश भट्टराईको निम्तो

एमाले नेता योगेश भट्टराईले अध्यक्ष केपी ओलीलाई राष्ट्रिय कार्यकर्ता भेलामा प्रमुख अतिथि बनेर सहभागी हुन निम्तो दिएका छन् । नेपाल–खनाल समूहले ४ र ५ चैतमा आयोजना गरेको राष्ट्रिय कार्यकर्ता भेलाबारे जानकारी दिन राजधानीमा मंगलबार आयोजित पत्रकार सम्मेलनमा भट्टराईले ओलीलाई निम्तो दिएका हुन् ।

ओलीले यसअघि बालुवाटारमा आयोजित चियापान कार्यक्रममा भेलामा नजर लगाउने र भेला गर्ने तथा सहभागी हुनेहरूलाई कारबाही गर्ने बताएका थिए । जवाफमा भट्टराईले नजर लगाउन मात्रै होइन प्रमुख अतिथि बनेर सहभागी हुन ओलीलाई निम्तो दिएका हुन् ।वक्तव्य:-

प्रकाशित समय १५:३४ बजे

प्रतिक्रिया दिनुहोस्